الحب و البراءة

 

 

في إحدى أيام الصغر كنت نقرى في البريمار ، جبت مليح لاموايان و عمرتها نقاط استحسان و في اليوم الثاني للعيـد قالنا الشيخ بابا اليوم نديكم تاكلو الشواء ، ركبنا في السيارة و ديمارينا و بعد مدة وصلنا ، هبطنا من السيارة و حكمنا طابلة في مكان جميل ، اتذكر انه كانت مقابلتنا عائلة اون فاص ، كانت فيهم فتاة صغيرة عجبتني كثيرا ، بديت ناكل و نشوف فيها طوال الوقت ، حتى جرحت روحي بالمطرق تاع الشواء ، فقالتلي لعجوز يا لعمى ما تشوفش ، اتذكر ان الفتاة بدات تبكي كي شافت الدم في فمي ، فقلت في قلبي هل هي تحن علي ، ام انها خافت من الدم ، تبا كنت صغير و نعرف كلش ، واصلت الاكل و انا نشوف فيها ، أتذكر انني قست كاس حمود فطاح تكسر ، امام انظار الشيخ بابا اللي ضربني بسقلة ، فبدات الطفلة تبكي ، عندها عرفت انها تحن عليا ، شفت فيها و ضحكت فضحكت معي ، ثم لم استطع التحكم في نفسي ، فنهضت من الطابلة و بديت نمشي لعندها ، فاذا بالشيخ بابا يحكمني مالودنين اقعد في بلاصتك وين راك رايح ، تبا شحال داقتلي ، ثم زادت داقتلي اكثر عندما رايت عائلة الفتاة و هم يحزمون الامتعة ليذهبو و الفتاة التي اعجبتني ايضا كانت حزينة و تريد الكلام معي ، اتذكر انني قلت للشيخ بابا اصبر نروح لهاذيك الجهة فقالي روح ، سيطرت عليا افكاري الشيطانية فحكمت مطرق تاع الشواء ، و رحت لسيارة الطفلة و باباها و ثقبتلها زوج عجلات ، ثم عدت للطابلة و كأن شيئا لم يحدث لكن وجهي كان مصفار و تحلبتلي لعجوز و راحو قاع يشوفو واش كاين فمرقولي و قتلوني بلعصا فجبدت الكابوسة تاع الشارجور و العقاش و بديت نتيري اتذكر انني ضربت الميكانيكي لي جابوه للعين فثقبتهالو و تنعمى و عاش حياة سعيدة ثم خطفت الطفلة فوق ظهري و قلعت فجاء واحد السيد يحكمنا اتذكر انني ضربو بحجرة للراس فتنفتح راسو و اصبح شحيحة يخبيو فيها الدراهم ، خرجنا في لوطوروت فبحثث عن طريقة نجيب بيها دراهم ، حاولت ان امسح الطونوبيلات لكنهم ما حلبونيش ، روح تلعب بعيد وليدي ، قالهالي واحد الحمار على متن سيارة 307 بيجو ، فداقتلي و تنفرشت امام الطفلة ، حكمت مطرق الشواء السحري و ثقبتلو راسو و ديت السيارة ديماريت مع صديقتي مباشرة لسوق السيارات تيجلابين لبيع السيارة ، و اعطاني فيها واحد 100 مليون حسبت الدراهم ، و قالي آيا نتكاتبو ، قلتلو اتكاتب مع السيد لي تصيب عندو مطرق الشوا في راسو ، و ذهبت مع صديقتي الى اجونس ايموبيلياغ و بحثنا عن منزل للبيع فوجدنا منزل بـ 100 مليون بيت و كوزينة و صال دوبان هاذيك هي تساعدنا رانا براسنا شريناه و رحنا اليه فاعجبنا كثيرا فعشنا فيه حياة سعيدة.