بكري و لما كنت شابا= نتوما ما تشفاوليش كنتو صغار= كنت كسائر شباب
الجزائر مجرد جرثومة فوق الارض عايش مطايش لا هدف لي في الحياة امنيتي
الوحيدة ان ارى اوروبا امامي و اوربية في فراشي ..كنت اقطن في باب الواد و
بالظبط في حي الساعات الثلاث كانت لدي طابلة تاع فاكية استرزق بها..و ذات
يوم عيط لي صاحبي ..يا موح يا موح فهبطت له و قال لي ايا جي للسيبر كافي
نخدم سي.في..ذهبت معه و بينما هو كان يكذب
في السي .في كنت انا شايد بوسط و ارى البواطا تاعي و فجاة
...==بونسواغ..نعم اوربية قالتها لي..بدات بالتكلم معها و بقيت هكذا يوميا
حتى قالت لي ==جوطام..اتذكر انها لما قالت هذه الكلمة بلوكا البيسي كانت
رائعة الجمال ..رقيقة القلب..نقية الروح...=بدون لي موسطاش= بطبيعة الحال
..و ذات يوم اتصلت بي لتخبرني انها قادمة للجزائر من اجلي جائت و ذهبت و
تكلمت مع والدي و قلت له ==شوف شيخ الطفلة امامكم ..و اوربا ورائكم ...مكاش
وين تبات نجيبها عندنا تجوز يامات باش ندير بيها باسغال و نقطع البحر..ابي
تفهم و قبل ..جائت و كانت ايام رائعة ..تاكل معنا واش تطيب العجوز و الشئ
الذي حيرني انها كانت تموت على...جواز ماشطو..و بركوكس...العدس...جواز
شيفلور..الخ من كل انواع الجوازات تاع الكارطون...عقدت علي و خطبتني و
اخذتني معاها الى باريس ...دبرت لي خدمة في شركة بيجو كميكانيسان و بدات
العمل ..اصبحت تحبني بجنون اكثر فاكثر و فجاة..عاد شيكورها القديم و اراد
اي يرجعها و هنا بداء يواعدها بالدرقة عليا و اصبحا يتلاقاو في القهاوي تاع
الشون زيليزي ...تاكدت ان الماتش مبيوع و الطفلة ما بقالهاش بزاف و
تليفريني لبليدة ..دخلني التشماخ من كل جهة ..درت قهوة و قارو و طلعت لها
الحساب ..بنت لحرام معولة تجبد بيا لحصيرة ..و ذات يوم دخلت للمنزل سكرانة و
قالت لي ==شد عليا طالبك راه رشالي القلب مقدرتش نوالفك و نتا محنى
دونجي..استغربت و قلت لها==جاكلين و شبي دين يماك ..فقالت =دومان ماتان تو
غوباغ ا الجي سي فيني اونتغ نو...حشاتهالي و انتهت بذلك الكونطرا ..نمت تلك
الليلة في بيتها و بينما هي تغص في نوم عميق ..كريت مازدا باشي ..و ريشت
لها الدار حيث سرقت كل ما يمكن سرقته و تركت لها الحيوط و غير الكاركاسا و
كتبت لها في الحائط....==سمعتي غير تاع شدي عليا طالبك ما سمعتيش
تاع....==لي زالجيريان راسا و لي يخرب فينا باصا=غادرت باريس بعد ان بعت كل
ما سرقت عدت للجزائر دربت فيها حانوت في اودان تاع النساء و شريت كليو
كومبوس و درت فيها ماداما و راني عايش و الحمد لله