الزواج المستحيل

كغيري من شباب الجزائر كنت في 24 من العمر لا خدمة لا زدمة زيادة في المجتمع بعد ان طردت من المدرسة في السنة السابعة لم اجد عملا و احترفت السرقة في المارشيات و محطات نقل الحافلات كنت مدمن على المخدرات و بعتها ايضا و لكن لحق الوقت الصح و قفلت بلاطو بيض اي 30سنة و طلبت مني امي ان احضر نفسي للزواج...بعدها نافيقيت خدمة كاجون سيكيرتي يا الطحاحنة في شركة ماروتي و درت شوية دراهم ..قلبت على قتاة فوجدت واحدة جميلة جدا و ثرية و في احد ايام الخميس قصدنا منزلهم بعد ان سلفت سيارة صديقي عبد النور من نوع رونو 5 و ذهبت انا و امي و ابي الى سيدي يحي ..بحثنا و وجدنا المنزل بصعوبة ..طبطبت و تكلمو معنا من واحد التقابي في الباب و قالو ==سي كي..قلت حنا ..قالو من انتم..قلت لهم== جينا بالحسب و النسب تعطوني بنتكم انا و يما و بابا ..فتحو الباب و جاء الخادم و قال انتظرو بعدها ..دخلنا الى الصالون و اتذكر ان امي اغمي عليها لان البلازما الذي كان معلقا كان اكبر من الشامبرا تاعي ..المهم جائت يمات الفتاة و ابوها و استقبلونا قلنا حنا خطابة فقالو لنا ..شرط الطفلة غالي عندنا عوينة و هي راس مالنا فقلت==حتى انا عوينة تاع يما و لكن راس مالهم لا اظن لاني فايدة ..طلب ابوها كمهر لبنته 50مليون سنتيم و هنا قلت له== يا عمي هي مليحة لوكان واحد يقدر ينافيقي 50 مليون ..و اكملت ام الفتاة==بنتي تتكسا مالساس للراس فقلت=الكسوة تاع الساس و الراس هي لمليحة..و اكملت بنتي تعيش وحدها و هنا قلت= وانا طاطا وين نعيش ...المهم بقاو يعطو في الشروط و قبلت بها كلها لاني اريد ان اتزوج خرجنا فرحين من منزلهم بعد ان ضيفونا جيدا و اعطيت لهم موعد غير محدد لكي نرفد الطفلة فلما حسبت وجدت انها مقيومة باكثر من 250 مليون و لما ذهبت الى البوسطة لارى الكونت ديالي وجدت 1500دج و منه و في انتضار ان اجمع المال ..الفتاة راهي للبيع اذا لقاو شاري