فرنسا تدخل الجزائر الجزء الثالث

اتذكر انه في سنة 1956 بدات الدعوة تخشان و العقلية تبدلت و اصبحت الحرب تاع الصح كما سبق و قلت كنت في العاصمة و هناك التقيت بكل المجاهدين الخشان خاصة لامين فايونصا و الذي كان من اشد المقاتلين في الجبهة و علي لابوانت صاحب مقولته الشهيرة =حسيبة مليوم و طلع العقلية تتبدل في القصبة= سنوات رائعة قضيتها اجاهد حتى سنة 1960 اين اصبت برصاصة طائشة في الكتف في حي لافيشري من طرف اطفال كانو يلعبون لاطاك بعد ذلك فرنسا تبحرلها البروقرام و بدات تبحث عن الهربة و جريناها برفقة القادة الى المفاوضات باش تخليلنا الجزائر و قد استسلمو و ديناهم الى مدينة ايفيان و كنت انا مع الوفد الجزائري ...في طاولة المفاوضات فرنسا حبو يلعبو الغولة و يعطونا استقلال نص طياب و هو ما تفطن اليه كريم بلقاسم الشيكور و الذي طالب بوثائق و مفتاح الجزائر و من دون اي شئ اخر ..ديغول كان حاضر و تلفتلو قاع و قال لنا يا سيدي اعطونا الصحراء برك فقلت له =شوف سي طيغول انسا تبرا و اذا بريت تبرا مريض الصحراء تدي الشعر ..و اكملت كلامي و قلت = شوفو يا الاستقلال يا و تحزن عليا يما غير نخرجوكم و نكملو موراكم لبلادكم نزيدو ندوها ...ديغول الدم نشف في وجهو و مرق بلي الدعوة مقودة و هنا قال ==انا موافق سنغادر خلونا شوية وقت برك باش ندو حوايجنا..19 مارس كان موعد وقف اطلاق النار و هو الموعد الحقيقي للاستقلال و لكن زكارة خليناها ليوم 5 جويلية 1962 باش النهار لي دخلو فيه يخرجو فيه و في هذا اليوم اعبنت الجزائر مستقلة بفضل الرجالة و درنا حالة بالشطيح يا الزح واحد الفرحة كلينا الطعام المسفوف الشخشوخة المهم و ين تقاري تاكل باطل ..انه اليوم الوحيد الذي جزائري ما خلص فيه دورو كلش قبة..و بينما الجماعة كانت زاهية ..تفكرت مجهوداتي الجبارة من 1830 و قمت بالهجوم على 7 شقق في العاصمة في اماكن مختلفة ..كباب الواد..القولف..الابيار..ساحة اودان...بلكور...مادام لافريك ..الخ و هي ثمرة جهدي بالاظافة الى لاليسان تاع المجاهدين و التي اليوم راني نخرج بيها كل انواع السيارات الفاخرة ..و لكن هذا جهدي ..في الاخير و بعد الاستقلال اقترحت على الحكومة المؤقتة ان نغزو فرنسا و نهجم عليهم و لكنهم رفضو ليس بسبب الخوف و لكن بسبب الارهاق و الاكراه البدني الذي سببناه لفرنسا و كل هذا من مبداء الانسانية و الرفق بالحيوانات