سقوط الطائرة

في احد الايام درت دوموند فيزا بعد ان سييت نحرقالى اوروبا عبر الفلايك اكثر من 742 مرة و لم انجح و في كل مرة يحكمنا الموفيتون او احد الحراقة معانا تحكمو كرشو و غيرها من الامور الهامشية ..المهم درت دوموند فيزا لكي اذهب الى انجلترا و حدثت المعجزة عاوني الفيزا في ظرف اسبوع و لما ذهبت و لقيت باسبوري مكاشي بذلك الكاشي الذي نتصوره الا في الاحلام قريب هبلت و قلت لميسيو الكونسول ==يا خو بارك الله فيكم و الله حشمتوني و ربي يوفقكم للخير و الى اللقاء ساعود بعد انقضاء المدة ..عطاوني شهر ..هههه حبو نولي و انا في قلبي ..ياو والله تحزن عليا ما ما نولي ..شريت التيكي تاع الطائرة و ذهبت للمطار بعد ان اعدت لي الوالدة الكريمة بعض الساندويتشات كالفريت في الخبز مع الشلاظة و الطورشي مشوي ..طلعت في الطائرة كغيري من المسافرين و هي اول مرة حكمني الخوف نوعا ما و اتت المضيفة بعد ان تحلبتلي بلي خفت و قالت==ما بك فقلت ==خلاص هدرتي معايا بريت ..ديمارات الطائرة و اكسيليرا البيلوط و طلعت في السماء ..يااااه يا لها من لحظات رائعة و الاروع ان ترى الجزائر من الفوق و رغم اني اكره الجزائر الا اني ما نخبيش كي شفتها من الفوق عجبتني ...بعد نصف ساعة طيران سمعنا دوي انفجار تحت الطائرة و الغاشي بداء يضبح ...انا لم اخف كثيرا لاني موالف بالخلايع من وقت الارهاب الى يومنا هذا..بقيت الطائرة ترتج بقوة و الاخير في لي باساجي خرا في سروالو حتى طلت علينا المضيفة الزلة بكل اناقة و جمال و قالت ان الطائرة ستسقط لاننا بعيدين عن المطار و لا توجد بيست داتيغيساج قريبة ..ههههه بدات اضحك من قلبي و الغاشي كله يخزر فيا و قالت لي المضيفة ==علاش راك تضحك..فقلت لها ==شوفي ختي والله كنت علابالي الهربة هادي ما توصلنيش على خير ..ديجا نتي شفتي في حياتك واحد يخدم شاورميست في بلكور عطاولو فيزا في سمانة ...اندهشت و قال لي=ما علاقة هذا بذاك..فقلت لها==لاسطومبي ماتموزال و قلت في قلبي 742 تقليعة في الفلوكة ما متش اليوم نموت باذن الله.
بعد ذلك خرج الشوفور تاع الطيارة شيخ هرم و جلس قدامي مهموم و علامات الحرز عليه فقلت له==واش شيخ ياودي ما تعمرش راسك نورمال الحديد مخلوف تكون الصحة برك..نظر الي و عيناه تدمعان و قال==كنت رايح معانا للانجليز وليدي قلت ==نعم..فقال== حرت كيفاش عطاولك الفيزا ..فقلت له==انا لي حرت كيفاش طيارة راح طيح و نتا زعمة بيلوط...هبطت الطيارة باقصى سرعة ..و رحت مسرعا الى غرفة القيادة جبدت شكارة شمة تاع الكيلو درت رفعة و سييت نسلك بديت نعبز برك القفالي و ارتطمنا بقوة في الارض قيديت الطيارة بكل قوة و فرينيت و هبط الغاشي و كانت مفجاتنا كبيرة ...........وجدنا انفسنا في واد الشلف هههههه هاي هاي هاي الزهر العاي هاي هاي