كانت الساعة تشير الى الطانشة نهارا بتوقيت حومتي و كانت السخانة دايرة
لاسياست مع اولادها في حومتي ..درجة الحرارة فاقت المعقول حيث توقف
الكليماتيزور عن المشي ...كنت على هذه الحال حتى رن هاتفي النقال ..ترن ترن
ترن..انه صديقي بوعلام رفدت له و قال لي =ياو اسمع جي معايا انا و دحمان و
الصادق نعطوها للبحر و بعدما فكرت مليا اتخذت القرار و قلت نعم فقال ساجوز
لك بعد 30دقيقة...وجدت حوايجي المتمثلة في
سربيتة تاع الدولار و 3 كاسكروطات بالبيض و الفرماج و 2حبات طماطيش سيدتي
..و قرعة ماء تاع زوج رواتل ماء و باطا جال و مشطة و حبيبة كانطالو باردة
..مر عليا الاصدقاء و ركبت معهم في سيارة خضراء اللون من نوع ماروتي 800
..في الطريق اختلفنا عن البحر اللي نذهب اليه و في الاخير استقر راي
الجماعة على بحر بالم بيتش المعروف ..قارينا و هبطنا ..دخلنا و رشقنا
الباراسول و فرشنا السرابت و بدانا بالاكل ..و في هذه الاثناء هاتفتني
حبيبتي و قالت لي==اوو مون شيغي سافا و ين غاك بيبي...فقلت ==راني في
موريتي عمري طلعت مع كيكي صاحبي في سيارته ليون ..فقالت اوو موا اوسي جو
سوي ا كلوب ديبان رحت افاك ما كوزين لينا دانا مون كوزين في لا اودي تاعو
...انتهت المكالمة و بقيت العب الدومين و السخانة قاعرتنا حيث احسست ان
السخانة راهي تغتصب فيا امام الملاء ..بعد ذلك قال لي دحمان باش نروحو نشرو
قوارا ريم ذهبت معه و انا اتمشى حيط حيط على الشاطئ واذا بي ارا مادامتي
جالسة تحت باراصول بيبسي مزنجر مع عجوزة موشمة و 3 اطفال صغار معمرين
بالخنونة و رجل عندو الشعر تحت طوابقو تقول مطرونقلي اخينا و ياكلون في
الخبز و شئ ما معه لم اتعرف عليه و رايت حبيبتي داربة شورت مقيوس بيلاجافيل
و بوستشيي ابغوتال كحل مدقلص فقررت الانتحار غرقا في عرض بحار البالم بيتش
و لكن سلكوني الحماية و تاكدت ان مادامتي صوصيال و هذا باعتراف شهادة
ميلادها 12