كغيري من كل شباب الجزائر كنت العب الكرة في شوارع الحراش و ملاعب
القودرون ..كنت العب كقلب هجوم و كنت فنانا ==سقسو والديكم اذا ما امنتوش= و
ذات يوم قالك نروحو نلعبو ماتش في ثنية الحد و تنقلنا في التران تاع
الثنية انا و اصدقائي بدانا نلعب و اتذكر اني سجلت اكثر من 15 هده وحدي و
بكل الطرق==بدماغ ..كوت سيزو..دومي فولي..تير..دريبليت القارديان= شاهدني
احدهم و بعد المقابلة عرض علي ان يكون
مناجيري و يقوم بتحويلي الى ناد اوروبي بسبب اني عبقري في البالون
...اعطيته رقم الهاتف و بعد اسبوع قال لي راني لقيتلك ايكيب مي لازم يسيوك
هذا الفريق كان اسي كوزانوسترا الايطالي الشهير =هذا الفريق انقرض الان
بسبب ازمة السكر و الزيت الاخيرة= ديسبيتيت معاهم و قبلوني و سينييت كونطرا
تاع سنة غير قابلة للتجديد في ذاك الموسم درت حالة خرجت انا احسن لاعب..و
احسن مهاجم..و احسن مدافع ..واحسن روح رياضية كنت انا كل شئ ..انا المدرب
وانا اللاعب و انا الرئيس و لي سيبورتور ..بعد انتهاء الموسم هبطت الى
الجزائر لقضاء عطلة الصيف في شواطئ كيتاني الساحرة ..و ذات امسية رن هاتفي
الرقم من اسبانيا لقد كان قوارديولا ==الو الو سلام عليكم ..فقلت =و عليكم
صحة شيخ سافا..فقال= اسمع ايا تلعب في البارصا ..فقلت اوكي كي نجي
نقصرو..في يوم غد حكمت الطيارة و ذهبت الى برشلونة و هناك بدانا المفاوضات
بعد ذلك امضيت ..بدانا مرحلة التحضير للموسم الجديد و اتذكر اني كنت لاعب
قوي فلعبنا مباراة ودية ضد فريق هندي و كلكم تعرفون ان الهنودة فور بالون و
يملكون مستوى كبير ..درت حالة غير لي نحكمو بكروشي ما ينوضش لي بتي بون لي
روتري المهم واش نحكي واش نخلي ربحنا بنتيجة 3 صفر من تسجيلي انا هدفين و
الثالث خرجت راس راس مع القارديان باسي لميسي ماركاه باش ما يقولش
حساد...بدات الصحافة تتحدث و بدات تطلع بيا رويدا رويدا ..هذا الشمعة لي
شعلتلي اقلقت جل لاعبي البارصا و الوحيد لي مشا معايا راجل ابراهيم افلاي
باسكو مروكي ..ميسي كان يكرهني لاني ديتلو قاع المعجبات و اصبحت غير انا لي
نسينيي لي زوتوغراف ..و ذات يوم في الفندق في الليل اعطانا قوارديولا لا
ليست تاع اللاعبين المشاركين في مباراة ودية كنا مزال نحضرو ..و لم يذكر
اسمي ..ذهبت اليه و قلت له علاش ما عيطوليش فقال لي== اصبر كي جي دالتك
تلعب..هنا فقط مرقت بلي كل اللاعبين حفرولي مع قوارديولا و زاد ابراهيم قال
لي بلي حرشوه عليا ..رفدت كابتي و عدت للجزائر و انا الان هنا معكم تلقيت
عدة عروض و لكن كرهت و عييت و دورتها رياضة الفايسبوك ..و لكن الحاجة لي
غاضتني ..شعرة برك و تشوفيني في البارصا هذا الموسم