كنت شابا يافعا يابسا طويلا انيقا لست جميلا كثيرا ..و بعد ان قفلت بلاطو
بيض و حكمت الطريق تاع 30سنة بداو في المنزل يشرولي على الزواج و اصبحت
ادخل لواش نتا ما تتزوجش درك و اخرج بنفس الكاسيطا ...كنت اعرف فتاة تسكن
في الابيار =لاتشيتشي= اخذت امي و رحنا نخطبوها و لكن باباها جبد الكلاش و
بدا يتيري علينا و يما سلكت مالموت باعجوبة و بابا قاسو وليد الحرام برصاصة
في الفخذ..المهمولينا للمنزل و بدات امي
تفكر في طفلة بنت فاميليا و شابة =موسطاشة سيلفوبلي= ..الخ من تخمام
العجايز ..و ذات يوم جاءت امي الى الشامبرا و قالت لي== وليدي لقيتلك طفلة
فحلة و زلة و قارية ..اللحم و الشحم ادي و ما تخافش...لن اكذب عليكم كرهت
حياتي و قلت لها راني قابل ..رحنا نخطبوها و اتذكر اني لم اذهب معهم بسبب
انو صديقي مصطفى طاح اونبان في الشلف و رحت ديبانيتو ....عدت و لقيت الدعوة
زاهية اووف و اخيرا ميقان فوكس تاع يما قبلت فيكسيت لادات تاع العرس و هو
يوم 29 اوت ..و في ذلك اليوم الموعود نضت صبح فرحان كيف لا و هي ليلة
الدخلة يا محاينكم =جامي درت الحرام اول مرة راح نسييه= رحنا على الزوج
نجيبو لالة لعروسة و لما وصلنا الى المكان وجدنا جيش تاع الشعب يسنا عيطلي
صاحبي مول سيارة لعروسة و التي كانت ==كغيسلاغ امريكية فخمة= و قال لي= يا
خو اسمع غير زيد شوف اكري صالة اخرى هاديك ما تكفيهمش..و لكن قلت له دبرو
راسكم و كملت نكيس في الحمام...في المساء جاءت سيارة صديقي مروان و هي
=اودي ا8 اخر طراز= و اخذوني الى كومبلاكس مزافران لناخذ صور تذكارية معا و
بعدها ذهبنا الى الصالة لكي ندير لها الخاتم ..و لما وصلت اتذكر حكمتني
كرشي و دخلت للمرحاض =حاشاكم الله غالب خفت اول مرة نتزوج= ذهبت اليها و
كانو مغطيين وجها و قاعد نقول في قلبي=يا ربي ماتكونش موسطاشة =و لما وصلت
المفاجاة العظمى رعشة في كامل جسمي عينيا تغرغرو بالدموع نظرت يمينا شمالا
ابحث عن امي هي السبب هي التي جلبتها لي يااااه يما يما يما وين راكي ...لا
استطيع ان اسرد لكم ذلك المشهد ..وصلت اليها جلست امامها و قلت لها كلمة
فقط==ما شاء الله..كم كانت جميلة فتاة اقل ما يقال عنها انها هي الملائكة
فاتنة الجمال و القامة درت لها الخاتم مسرعا التقطنا بعض الصور التذكارية
...سلمت على راس امي اخذت زوجتي في البيام دوبل يو كابريولي غير انا و هي و
انطلقنا الى فندق الشيراطون بوهران مباشرة و بلباسنا و صلنا الفندق تعشينا
عشاء الملوك صعدنا للغرقة.......لاسويت عيب عيب عيب والله ما تحشمو