.في يوم من الأيام كنت أنا و ياجورا نلعبو سوبر ماريو بالكلافي ملك النمور
الدهبي لي شراتهولي ماما كي جيت الاول فالسنة الثانية.... فعيطت للأستاد
قتلو جيب التيلفيزيو تاعك م و ص ك م و أرواح للدار جا ليا .....بدينا نلعبو
لحقنا لواحد الستاج حصلنا... دورناها تيكان العياشي و بول و
القداااام..... أومبعد .قالي روح أشريلنا زوج شكاير زريعة تشغيل الشباب و
طابليطة شيكولا تع الروز و زوج حبات فلاش تع ستين دورو و شكارة تشين
تشين.....كي لحقت للحانوت لقيت طمبولا تع فلان نسيم و لقيت الشوينقوم تع
زيزو .... لعبتلي في راسي و شريت الدراهم قع باكيات فلان نسيم... كي لحقت
للدار طاح عليا ياجورا بالضرب ... طرونقلاني و ضربني بردخة ...أومبعد
فهمتو قتلو كاين رحلة لشخصين لقطر ..... ففرحنا و بعتنالهم ..و كيما كان
الحال.... كنا نشوفو حصة عايلة هايلة أنا و الأستاد .. أومبعد دارو فاصل
اشهاري تع سيارة دايو ماتيز.... جدي الحمار تاني؟؟ عجب لاماتيز ... رانا
نستناو فالقرعة بحضور محضر قضائي حتا نسمعو الفائز الأول : راشكلو
عمار..... الفائز التاني : بن دايخة قدور ==| الاسم الحقيقي للأستاد....
فطرنا بالفرحة و حبطنا للحومة خلصنالهم السبوكا.. وو جدنا الفاليزة أومعد
تفكرت بلي صديقنا حفيظ دراجي في قطر فبعتلو أبال موا تو مو مونك فعاودلي
قالي يا العريان روح افليكسي..أومبعد قالي مرحبا بيكم مكاش الريح ...ما
يقيسكمش مشكل...قالنا بصح أرواحو مبيششن و بسك عندنا الكثير من السياح بسبب
الألعاب الأولمبية..... فلبست الناسطاز التاعي لي شريتها من ديستريش و
قمجة هواي و سروالو فولور بنفسجي و ياجورا لبس تريكو انجلترا قالي نطيح
انجليزي نكوف روحي معاهم و ركبنا الطيارة..... ...غير لحقنا لقينا زوج
قطريات في المطار باين لاباس بيهم... رحنا سقسيناهم وين جاية الروديزلي تع
الدوحة فوصلونا ....بالرانج روفر ..و في الطريق الأستاد بهدلنا دوموندالها
النيميرو فعطاطتهولو و قاتلو ايدا تحب نشوف صاحبتي لصديقك الخجول...
فعطاتهولي و لحقنا عند حفيظ دراجي ... حكينالو و ووصفنالو الفتاتين فقالنا
نتوما مهابل هادو بنات الملك...فتشوكينا و بدينا نغنو هاو دار التاويل هاو
دار التاويل.....أومبعد دخلنا للفيلا تع حفيظ لقينا مرتو تستنى بلا حجاب
فقاللها استري روحك ولا نضربك بسقلة تولي مقلة.....فدخلنا تهلا فينا
بتيكربابين و فريط أومليط بالبض..... أزمبعد ضربناه بحطبة رحنا شفنا
القطريات و تزوجنا بيهم و درنا التاويل و كتبتلي بير تع بيترول على أسمي و
الأستاد راهو مدير بقناة الجزيرة الرياضية....